শংকৰদেৱ শিশু নিকেতন ঘিলামৰা ভাৰতীয় আদৰ্শৰ অনুকূলে শিক্ষা পদ্ধতিৰ পৰিৱৰ্তন অনাৰ মানসেৰে গঠিত সৰ্বভাৰতীয় শিক্ষা প্ৰতিষ্ঠান "বিদ্যা ভাৰতী" ৰ তত্ত্বাৱধানত অসমতো কেইগৰাকীমান শিক্ষানুৰাগী ব্যক্তিয়ে "শিশু শিক্ষা সমিতি " এখন গঠন কৰে। পন্থ,সম্প্ৰদায়,পূজা পদ্ধতি নিৰ্বিশেষে শিক্ষাৰ ক্ষেত্ৰত বিকাশ সাধন কৰাই হʼল মূল উদ্দেশ্য । এই সমিতিৰ পৰিচালনাত অসমৰ বিভিন্ন ঠাইত "শংকৰদেৱ শিশু নিকেতন" নামেৰে প্ৰাক-প্ৰাথমিক, প্ৰাথমিক, উচ্চ মাধ্যমিক, আৰু উচ্চতৰ মাধ্যমিক বিদ্যালয় স্থাপন কৰা হৈছে ।
